حصر كميات بصورة مبسطة...

حصر الكميات

• الحفر يقاس بالمتر المكعب 

الحفر ( السمك * المساحه )
سمك الحفر ( منسوب الأرض الطبيعه – منسوب الحفر )

• الاحلال يقاس بالمتر المكعب 

الاحلال ( المساحه * السمك )

• الخرسانه العاديه تقاس بالمتر المكعب 

القواعد المنفصلة

  العدد* الطول *العرض * السمك
اللبشه العاديه

( المساحه * السمك )

• الخرسانه المسلحه تقاس بالمتر المكعب 

القواعد المسلحه
العدد * الطول * العرض *الارتفاع 
السملات 

 الطول * العرض * الارتفاع 

 الطول يقاس من وش القاعده المسلحه لوش القاعده المسلحه في حالة السملات كانت فى نفس منسوب القواعد المسلحه
  من وش العمود لوش العمود إذا كانت السملات فوق منسوب القواعد المسلحه

رقاب الاعمده
 العدد * الطول * العرض * الارتفاع
الارتفاع يقاس من ظهر القاعده المسلحه حتى منسوب الصفر المعماري

السوليد سلاب
في حالة اختلاف السمك نأخد اقل سمك

( المساحه * اقل سمك )

ثم ( المساحه * ما تبقى من سمك لكل بلاطه )

الهوردى سلاب
 طول * عرض * ارتفاع
يتم خصم الفتحات من البلاطه
الكمرات
 طول الكمره من وش العمود لوش العمود * سقوط الكمره * عرض الكمره
الاعمده
العدد * الطول * العرض * الارتفاع

( الارتفاع من الارضيه حتى بطنية السقف )

• مبانى قصة الردم تقاس بالمتر المكعب 

اذا كان عرض المباني 25 سم

( طول * عرض * ارتفاع )
طول المباني من وش العمود لوش العمود
الارتفاع ( منسوب الصفر المعمارى – منسوب ظهر الميدات المسلحه )

اذا كان عرض المباني 12 سم تقاس بالمتر المسطح

• العزل يقاس بالمتر المسطح 

القواعد المسلحه
جوانب القاعده
محيط * ارتفاع

اعلي القاعده
طول * عرض
خصم مساحة العمود اعلي القاعده ( طول * عرض )
يتم خصم مساحة السمل اعلى القاعده ( طول * عرض
يتم خصم مباني قصة الردم اعلي القاعده ( طول * عرض )
السملات
 طول * ارتفاع * 2
مباني قصة الردم
طول * ارتفاع ( من ظهر الميدات المسلحه حتى منسوب الصفر المعمارى ) * 2

يتم اضافة عزل بادئ السلم مع عزل المباني
الإسفلتويد

 عباره عن بيتومين برمله يتم رشه فوق مباني قصة الردم من اعلي حتى لا تنتقل الرطوبه من مباني الردم إلى مباني الدور الارضى
 طول * عرض 
الرولات
تقاس بالمتر المسطح ( الدور الارضى - الحمامات – السطح )

الدور الارضى
 ( الطول * العرض من لو حة مباني قصة الردم )
الحمامات ( الطول * العرض * العدد )
عزل الحرارى يقاس بالمتر المسطح
نفس مساحة الرولات للسطح و كذلك مساحة خرسانة الميول

يتم خصم مساحة غرف السطح و بادئ السلم

• حصر المباني 

تقاس بالمتر المكعب في حالة المباني سمك 25 سم 
 طول الحائط ( من وش العمود لوش العمود ) * عرض الحائط  * ارتفاع الحائط
ارتفاع الحائط ( ارتفاع الدور – سقوط الكمره )
تقاس بالمتر المسطح في حالة المباني 12 سم
في حالة وجود كمره مقلوبه

 ارتفاع الحائط ( ارتفاع الدور – سمك البلاطه )
يتم إضافة جلسات البلكونات
يتم خصم فتحات الابواب والشبابيك

• حصر البياض 

الداخلى 

بياض السقف ( طول * عرض ) 
بياض الحائط ( طول * ارتفاع )

ارتفاع الحائط ( ارتفاع الدور – سمك البلاطه – 1.5 سم سمك بياض السقف – 10 سم تشطيب الارضيات – 10 سم وزره )
يتم خصم فتحات الابواب والشبابيك

الخارجي
يتم حساب المساحه الاجماليه للواجهات و يتم خصم الفتحات
المناور والبلكونات تحسب مع الخارجي

معلومات عامة....

التكلفه المبدئيه لاى مشروع أو يكون عندك شقه أو عماره تريد سريعا معرفة كمياتها بدون حصر

فلابد وأنت مهندس ان تكون حاضر الذهن سريع الرد سواء لمالك المشروع أو لزميلك أو لنفسك

ومن هذه المعدلات التى تم تقديرها بعد حصر العديد من المشاريع التى تم تنفيذها هى كالاتى :-

•  اجمالى كميات مكعبات الخرسانه المسلحه المطلوبه للمبنى = 40 الى 50 % من اجمالى مسطح الادوار لهذا المبنى ويتوقف ذلك على نوع بلاطه الاسقف ونوع الاساسات

مثال: عماره سكنيه بمسطح الدور = 300 م2 وعدد الادوار = 10 ادوار
اذن اجمالى مسطحات العماره = 300 * 10 = 3000 م2
اذن اجمالى مكعب الخرسانه المسلحه لهذه العماره من الاساسات للدور الاخير = 0.45* 3000 = 1350 متر مكعب

•  نسبة ووزن الحديد المسلح فى القواعد المسلحه المنفصله بدون وجود ميدات رابطه = 45 الى 60 كجم/م3 م3(للمتر المكعب)
•  نسبة ووزن الحديد المسلح فى القواعد المسلحه المنفصله مع وجود ميدات رابطه بين القواعد المسلحه = 90 الى 100 كجم / م3 م3(للمتر المكعب)
•  نسبة ووزن الحديد فى البلاطه العاديه solid slab من 90 الى 100 كجم /م3(للمتر المكعب)
• يعنى مكعب السقف بالتقريب = مسطح الدور الواحد * 22 الى 25 سم
•  نسبة ووزن الحديد فى البلاطه الهوردى hollow block من 120 لى 130 كجم/ م3(للمتر المكعب) ( مع ملاحظة أن مكعب السقف شامل الطوب الهوردى)
•  نسبة ووزن الحديد فى البلاطه اللاكمريه flat slab = 130 الى 150 كجم/م3 (للمتر المكعب)
•  كمية مكعبات خرسانه الاعمده فى الدور الواحد = 15 الى 25 % من كمية مكعبات الخرسانه المسلحه لهذا الدور
•  نسبة ووزن الحديد فى الاعمده وحوائط القص = 180 الى 250 كجم/م3 (للمتر المكعب)
• عدد الطوب المطلوب للبلاطه الهوردى للدور الواحد = مسطح الدور الواحد مضروبا فى 4 الى 5 طوبات مقاس 20 *40 * ارتفاع الطوبه المذكور فى اللوحات

مثال : سقف بمسطح أفقى = 300 م2 والسقف كله بلاطه هوردى يحتاج هذا السقف الى عدد طوب هوردى = 300 م2 * 4.5 طوبه = 1350 طوبه بمقاس 20 *40 * ارتفاع الطوبه المذكور فى اللوحات

• عدد الطوب لعمل مبانى الدور الواحد مقاس 25*12*6 سم = 85 الى 95 طوبه للمتر المسطح الافقى من الدور الواحد

مثال : المسطح الافقى للدور المتكرر لعماره سكنيه = 300 م2 فان كمية الطوب المطلوبه بمقاس 25*12*6 سم لبناء هذا الدور = 300 * 90 =27000 طوبه اى سبعه وعشرون الف طوبه بالتقريب طبعا

• عدد شكاير الاسمنت اللازمه لبناء الف طوبه مقاس 25*12*6 سم = 3.50 الى 4 شكاير
•  اجمالى مسطح المحاره الداخليه للدور الواحد أو للشقه على سبيل المثال= مسطح الدور أو مسطح الشقه مضروبا فى عدد= 2.70 الى 3.00 على حسب ارتفاع الدور

مثال : شقه بمسطح 150 م2 المسطحات التقريبيه للمحاره (اللياسه) الداخليه = 150 م2 *2.8 = 420 م2 تقريبا

•  معدل استهلاك معجون الدهانات للحوائط الداخليه عدد 3 سكينه = 1.50 الى 2.00 م2 لكل 1.00 كجم معجون
•  معدل استهلاك دهان البلاستك الداخلى عدد 3 اوجه = 6.00 الى 8.00 م2 لكل 1 لتر بلاستك
•  معدل استهلاك برميل البتومين الممتلى انتاج شركة الاسكندريه اللازم لعزل الخرسانه المسلحه بعدد 2 وجه = 60 الى 70 م2 لكل برميل

معدلات استهلاك المواد في التشطيبات....

هنتكلم الموضوع ده عن اسئله بنتسأل عليها كمهندسين او اي شخص عاوز يشطب شقته او يعرف الدور بياخد كام طوبه وكام شيكاره اسمنت والمحارة هتحتاج برضه اسمنت ورمل أد ايه باختصار دي شويه معدلات ع السريع في التشطيب .... 

• 1طن اسمنت= 20 شيكارة
• 1م3 رمل= 24 شيكارة
• المتر المربع مباني= 69 طوبه      (شامل الهالك)
• المتر المكعب مباني= 578 طوبه   (شامل الهالك)
• 5 شكاير اسمنت+20شيكارة رمل= 27 م2 مباني او 4 م3 مباني
• اشيكارة اسمنت+3 شكاير رمل= 5 م2 بياض محارة
• 1م2 بياض محارة= 0.2 شيكارة اسمنت+0.07 م3 رمل
• ا شيكارة 25 كجم من الدراي ميكس(الماده للواجهات)= 6 م2 فرد بالبروة
• اشيكارة اسمنت+3 شكاير رمل= 4 م2 تركيب رخام ارضيات
• اشيكارة اسمنت+4 شكاير رمل= 5 م2 تركيب سيراميك حوائط
• اشيكارة اسمنت+5 شكاير رمل= 5 م2 تركيب سيراميك ارضيات

حساب عدد اسياخ طن الحديد ووزن المتر الطولي وطول السيخ....

معلومه ع الماشي.

• لحساب وزن المتر الطولي من السيخ=(قطر السيخ *نفسه) بالمم/162

مثال: لحساب وزن المتر الطولي من الحديد قطر 10مم=10*10 /162=0.617 كجم للمتر الطولي.

• لحساب وزن السيخ الواحد= وزن المتر الطولي*طول السيخ

مثال:لحساب وزن سيخ من حديد قطر 10مم=0.617*12=7.4 كجم للسيخ الواحد.

• لحساب عدد الاسياخ في الطن= 13500/(قطر السيخ*نفسه) بالمم

مثال: لحساب عدد الاسياخ في الطن لحديد قطر 10مم=13500/ 10*10 =135 سيخ في الطن.

والجدول الجاي ده هيوضح ليكم اكتر المعلومه لكل قطر :

 

مع العلم ان الحديد بيجي الموقع بالربطه والربطه بتكون حوالي (2طن+ او_ 100 كجم تقريبا).....

الفرق بين الخرسانة الجاهزة البامب وخرسانة الخلاطة العادية في الموقع من حيث السعر والجودة والوقت....

هنتكلم في موضوع مهم عن الفرق بين الخرسانة الجاهزة وخرسانة الخلاطة العادية في الموقع ... لكن حابب الاول نتعرف علي مكونات الخرسانة المسلحة في كلمتين ع الماشي كده....

المتر المكعب خرسانة مسلحة يتكون من : 0.8 سن + 0.4 رمل + 350 كجم اسمنت+175 لتر مياه.... وده يديني جهد 250 كجم/سم2 ....

طبعا لو حد قالك ان 0.8 +0.4 =1.2 متر مكعب... ده كلام مش مظبوط ...ليه؟

عشان الرمل بيدخل في المسافات البينية والفراغات بين السن او الزلط ولذلك في النهايه بيعطي مكون 1 متر مكعب ... نيجي لموضوعنا الاساسي....  

• اولا بالنسبه لخرسانة الخلاطة العادية في الموقع تكلفتها كالاتي: 

تكلفة السن= 0.8 *160ج=128 ج

تكلفه الرمل= 0.4*80ج= 32ج

تكلفه الاسمنت=7 شكائر*55ج=385ج

تكلفه المصنعيات= 45ج

اجمالي التكلفه لخرسانة الخلاطة في الموقع=590ج/م3

• ثانيا تكلفه الخرسانة الجاهزة من شركة الخرسانة= 750 ج/م3

الفرق بين التكلفتين =750-590= 160 ج/م3 ده بالنسبه للتكلفة وطبعا ممكن تلاقي اختلاف في الارقام دي من مكان لمكان او حسب توقيت الدراسة فممكن تعدلها حسب الاسعار اللي عندك... طب بالنسبة للجودة....؟

بالنسبة لمحتوي الاسمنت خرسانة الخلاطة في الموقع بتحتوي 7 شكائر /م3 ..... بتحتاج اشراف هندسي لمراقبة اعمال الخلط (المعتاد السن بيكون مساح والرمل نص سكينه السن).....

بالنسبه لمحتوي الاسمنت في الخرسانة الجاهزة.....كل شركات البامب تقريبا محتوي 6 شكائر/م3 وبتعوض الباقي عن طريق الاضافات.... لاتحتاج اشراف هندسي كبير فعادة ما تكون الخرسانه مظبوطة.... كامل المسئولية تقع علي شركه الخرسانة....

• باقي عاملين مهمين  في اختيار نوع الصبة وهو عامل المكان وعامل الوقت .... من الممكن ان المكان اللي انا هصب فيه يكون مينفعش ان خلاطة عادية تكون موجوده لصعوبة نصب الخلاطة او العكس في حالة البامب اللي بيحتاج الي مكان واسع نسبيا عشان يفرد..... 

بالنسبة للوقت خرسانة البامب اسرع بكتير في عملية الصب وتوفر الكثير من الوقت لو عندك كميات كبيرة ....  في النهاية انت ليك كمهندس الاختيار بين الطريقتين بما تراه مناسبا للواقع امامك مع مراعاه العوامل السابقة...

مقدمة لابد منها....

بسم الله توكلنا علي الله 

• ده هيكون اول موضوع لينا علي المدونه مع بعض عشان كده حابب اني اتكلم فيه عن هدف المدونه وليه ابتديتها اصلا ...
• اولا انا مهندس مدني اتخرجت من جامعة الزقازيق (اقوي مدني في مصر) ... اشتغلت مهندس مقاول ومهندس استشاري لمده 6 سنوات .... قابلتني صعوبات كتير في البدايه بعد التخرج وازاي اقدر اربط بين العلوم اللي اخدناها في الكلية زي الاستراكتشر والخرسانة وغيرها ومابين الواقع العملي في الموقع بين العمال والصنايعية والمقاولين وخلافه...
• عشان كده انا اخترت اسم المدونه عشان احاول ان شاء الله احولك تدريجيا من مهندس حديث التخرج درست نظري في الكلية الي مهندس يعرف يتعامل مع اهم شخص واخطر رجل في العالم وهو ...المقااااول
• هنا هحاول بطريقه مبسطه اقولك_ ان شاء الله_ الحاجات اللي المفروض تعرفها وتتعامل بيها في العالم ده من اول استكشاف الموقع والحفر والخرسانات مرورا بمراحل التشطيب المختلفة وازاي تقدر تشيل شغل كمان...
• ان شاء الله المحتوي يعجبكم وهنزل المواضيع تباعا في تسلسل عشان الناس تستفيد باذن الله وحتي اللي مش في المجال وعاوز يبني بيته ويعرف التكاليف كمان.... اسف علي الاطاله واشوفكم علي خير مع اول دروس السلسلة قريبا ان شاء الله .... السلام عليكم يا باشمهندزين😊