الباشمهندز المقاول

هنا في المدونة هنحاول بطريقه مبسطه نقول الحاجات اللي المفروض تعرفها وتتعامل بيها في عالم المقاولات سواء انت مهندس عاوز تتعلم وازاي تقدر تشيل شغل كمان... ولو انت عندك ارض او شقتك عاوز تبنيها وعاوز تعرف تكلفة الخرسانات والمباني والتشطيبات خليك معانا وهتعرف كل حاجة انت عاوزها....

الجمعة، 19 أكتوبر 2018

مقدمة لابد منها....

بسم الله توكلنا علي الله

ده هيكون اول موضوع لينا علي المدونه مع بعض عشان كده حابب اني اتكلم فيه عن هدف المدونه وليه ابتديتها اصلا ...

اولا انا مهندس مدني اتخرجت من جامعة الزقازيق (اقوي مدني في مصر) ... اشتغلت مهندس مقاول ومهندس استشاري لمده 6 سنوات .... قابلتني صعوبات كتير في البدايه بعد التخرج وازاي اقدر اربط بين العلوم اللي اخدناها في الكلية زي الاستراكتشر والخرسانة وغيرها ومابين الواقع العملي في الموقع بين العمال والصنايعية والمقاولين وخلافه...

عشان كده انا اخترت اسم المدونه عشان احاول ان شاء الله احولك تدريجيا من مهندس حديث التخرج درست نظري في الكلية الي مهندس يعرف يتعامل مع اهم شخص واخطر رجل في العالم وهو ...المقااااول

هنا هحاول بطريقه مبسطه اقولك_ ان شاء الله_ الحاجات اللي المفروض تعرفها وتتعامل بيها في العالم ده من اول استكشاف الموقع والحفر والخرسانات مرورا بمراحل التشطيب المختلفة وازاي تقدر تشيل شغل كمان...

ان شاء الله المحتوي يعجبكم وهنزل المواضيع تباعا في تسلسل عشان الناس تستفيد باذن الله وحتي اللي مش في المجال وعاوز يبني بيته ويعرف التكاليف كمان.... اسف علي الاطاله واشوفكم علي خير مع اول دروس السلسلة قريبا ان شاء الله .... السلام عليكم يا باشمهندزين😊

ليست هناك تعليقات:

إرسال تعليق

الاشتراك في: تعليقات الرسالة (Atom)